By 
Ku: Syifa Nabila
Dina isuk-isuk nu pinuh ku mega kulawu
Cai walungan mapay lembur nu camewek
Walungan teu bisa nanggung sangsara
Nyapu kampung nyésakeun kanyeri
Hujan mancawura teu eureun-eureun
Cai nguguludag amayah ngeueum pakampungan
Ratusan imah pating karelep di ditu di dieu
Loba jalma nu tatu alawah-euleuweuh
Aya awewe kolot ceurik ngabangingik
Mepende budak nu awakna geus rangsak
Pakaya jadi runtah, hate asa disasaak
Kasumanget dipompa sataker kebek
Kiwari alam balaka tur ngumbar amarah
Dumeh manusa geus teu boga rasa
Ti baheula sagala dibukbak dirumpak
Caahna walungan sangkan jadi pangeling
Eureunan lampah salah paheutkeun muamalah
*Syifa Nabila,mikaresep seni budaya tur sastra Sunda, aktivis organisasi kampus, mahasiswa Prodi Ilmu Komunikasi FISIP Unpas Bandung, Jawa Barat.
Comments