By 
SundaNews (22/02/2025). Kategasan jeung kawani jadi dua hal anu napel dina sosok Vila Irianty (23), saurang polisi awéwé pangkat Brigade Satu Taruna (Brigtutar). Dina umurna nu masih ngora, Vila geus nunjukkeun dedikasi luhur dina ngalaksanakeun tugasna salaku abdi nagara.
Asalna ti kulawarga basajan di Sumatera Barat, Vila sukses ngaliwatan seleksi ketat Akademi Kapolisi (Akpol) jeung ayeuna tugas di satuan kaamanan lalu lintas di Jakarta. Kaputusan pikeun jadi polwan lain ku kabeneran, tapi tekad anu geus mekar ti leuleutik sanggeus ningali kaadilan nu pasolengkrah di sakurilingna.
Jadi saurang polwan di tengah tantangan jaman lain hal anu gampang. Vila kudu nyanghareupan rupa-rupa rintangan, kaasup stereotip yén awéwé kurang cocog pikeun jadi palaku utama dina penegakan hukum. Tapi, Vila ngabuktikeun yén gender lain halangan pikeun ngahontal prestasi.
Taun kamari, ngaranana jadi sorotan sanggeus tindakanana dina ngamankeun demo badag di Jakarta jadi perhatian masarakat. Ku pendekatan humanis, Vila hasil ngaleungitkeun ketegangan antara aparat jeung massa tanpa kudu aya kekerasan. Ieu tindakan ngabuktikeun kamampuhna pikeun meta gancang tur bener dina situasi nu pinuh tekanan jeung kategangan.
Perjalanan karir Vila teu bisa dipisahkeun ti rojongan kulawarga, utamana ti bapana nu ogé saurang polisi pensiunan. Ti leuleutik, Vila sering ngadéngé carita bapana ngeunaan pangabdianna di kepolisian, nu teras ngainspirasi pikeun nuturkeun tapakna. “Abdi hoyong ngabuktikeun yén awéwé ogé bisa jadi garda terdepan dina ngajaga kaamanan jeung ketertiban masarakat,” pokna ka SundaNews.
Salian tugas di lapangan, Vila ogé aktip dina rupa-rupa program edukasi hukum pikeun barudak ngora. Vila sering diundang jadi narasumber dina seminar ngeunaan pentingna kasadaran hukum jeung pencegahan kajahatan di kalangan rumaja. Ceuk Vila, pendekatan preventif leuwih efektif batan ngan saukur penindakan. Ku pemahaman hukum anu alus, anjeunna miharep generasi ngora leuwih sadar kana hak jeung kawajibanna salaku warga nagara.
Salah sahiji momen penting dina karirna nyaéta nalika Nila sukses ngungkab kasus perdagangan manusa di wewengkon perbatasan. Ku kajelasan jeung kawani dina nalungtik kasus éta, puluhan korban hasil disalametkeun. Panghargaan oge murudul ti rupa-rupa pihak, kaasup ti institusi kepolisian anu ngahargaan kontribusina dina merangan kajahatan.
Ayeuna, Vila tetep keukeuh pikeun terus ngembangkeun diri sarta neruskeun atikan leuwih luhur dina widang hukum. Vila miboga cita-cita pikeun jadi saurang penyidik anu profesional tur mampu nanganan kasus-kasus badag. “Abdi hoyong jadi bagian tina parobahan anu leuwih saé di awak kapolisian, utamana dina memperjuangkeun kaadilan pikeun anu lemah,” pokna.
Ku sagala prestasina, Vila Irianty ngabuktikeun yén umur jeung gender lain halangan pikeun ngahontal kasuksésan di dunya kepolisian. Ku kawani, katégasan, jeung empati nu dipibanda, anjeunna terus léngkah pageuh ngawal kaadilan sarta ngahudang inspirasi pikeun loba jelema, hususna generasi ngora nu hayang berkarir di dunya penegakan hukum. (Muhammad Rafaiel Adeshivo, mahasiswa Prodi Ilmu Komunikasi Stikom Bandung, Jawa Barat)
Comments