By 
SundaNews (13/12/2024). Rapat dosen Fakuktas Dakwah jeung Komunikasi (Fidkom) UIN Sunan Gunung Djati Bandung dina 12 Désémber 2024 negeskeun komitmen anu kuat pikeun ngaonjatkeun rofesionalisme dosén jeung kualitas akademik. Sababaraha poin penting jadi perhatian penting, utamana dina pangelolaan tugas, pamekaran program studi anyar, nepi ka panyediaan sarana jeung prasarana.
Dina hal tugas, dekan méré apresiasi ka para dosén anu geus ngalaksanakeun kawajiban salila semester ieu. Tapi, aya penekanan supaya panyelesaian tugas dilakukeun ku cara anu leuwih hadé, ku ayana harepan masarakat kana lulusan anu unggul. Ieu ngagambarkeun yén dosén teu ngan ukur ngalakukeun tugas administratif, tapi ogé nanggung amanah anu gedé ti kolot mahasiswa salaku mitra dina pendidikan.
Dina sisi fasilitas, usaha ningkatkeun sarana sapertos ngawangun lift jeung ngoptimalkeun gedong mangrupa léngkah anu positip. Fasilitas anu nyukupan henteu ngan saukur ningkatkeun kanyamanan dosén jeung mahasiswa, tapi ogé jadi daya tarik fakultas salaku institusi anu unggul.
Nu matak narik perhatian nyaéta pamekaran program studi anyar. Pangwangunan program studi S2 Ilmu Komunikasi, S2 Pangwangunan Masarakat Islam, jeung rencana program studi S1 Kasajahtraan Sosial nunjukkeun visi fakultas anu adaptif kana kabutuhan jaman. Sanajan kitu, kakurangan SDM husus pikeun ngadegkeun program studi S1 Sinematografi jadi catetan penting anu kudu ditarekahan solusina.
Dekan Fidkom UIN SGD Prof Dr H Enjang AS, Mag, MSi ogé nekenkeun pentingna kabersamaan jeung kasejahteraan dosén salaku kulawarga gedé. Sikap ieu kaciri dina rencana panghormatan husus ka dosén anu asup kana masa purna bakti, hiji tradisi anu pantes diapresiasi.
Tapi, aya sababaraha tangtangan anu kudu diungkulan, saperti ngurangan anggaran BOPTN anu boga pangaruh kana pangelolaan akademik. Sanajan kitu, usaha dékanat pikeun terus milarian solusi inovatif, sapertos ngandelkeun alumni pikeun nguatkeun SDM, mangrupa léngkah anu pantes didukung.
Sacara umum, rapat ieu negeskeun yén Fidkom UIN SGD teu ngan saukur fokus kana prestasi akademik, tapi ogé nenjo aspek humanisme jeung profesionalisme dosén. Tangtangan anu aya kudu jadi dorongan pikeun terus berinovasi jeung ngajaga kualitas pendidikan dina tengah parobahan jaman (S. Miharja, Ph.D).
Comments