Pagelaran Subang Nyeni Sukses Dilaksanakeun

SundaNews (23/12/2024). Pintonan kasenian “Subang Nyeni 11” junun dilaksanakeun di Subang Creative Hub.  Saptu jeung Minggu, 21-22 Désémber 2024. Mawa téma “Birama Aksamala”, ieu acara nampilkeun rupa-rupa pintonan seni anu endah tur geus hasil narik perhatian masarakat Kabupatén Subang.

Salaku agenda seni anu dipikawanoh ku masarakat, “Subang Nyeni” mangrupa forum pikeun seniman ngora, komunitas jeung aktor seni lokal pikeun mintonkeun karya maranéhanana. Taun ieu, acara ka-11 nampilkeun kombinasi tarian, musik sareng pagelaran téater anu meriah.

Acara dibuka ku pintonan orkestra “Doa & Usaha” anu midangkeun lagu-lagu humor kalayan wirahma keroncong. Atmosfir beuki haneut kalayan pintonan dua mojang ngalaksanakeun tari kontemporer, nambih sumanget kangge panongton nu hadir.

Sorotan utama dina pagelaran ieu nyaéta pagelaran Desember Project kalayan mintonkeun Tunas Bandung Philharmonic Center Subang nu dipupuhuan ku Kang Sutrisna. Arinyana  ngalaksanakeun rupa-rupa komposisi musik, mimitian ti klasik nepi ka lagu rahayat, sapertos tembang-tembang : Twinkle, Twinkle Little Star Téma
Twinkle, Twinkle Little Star Variation, Andante 4 Op 31 – F. Sor,  Anglaise,  Siciliana,  Menghitung Hari,  Romance De Amor, Malaguenas,  Clog Dance,  Adagio,  Ayang Ayang Gung,  Tokecang,  Bourree,  Gran Vals,  Manuk Dadali, jeung
Trois Sodade.

Satutasna pintonan musik nu mepende pamiarsa, acara dituluykeun ku pintonan téater ti Teater Experimental nu nyadiakeun pangalaman artistik unik pikeun panongton. Dina panutupanana, dipidangkeun Drama Basa Sunda anu judulna Duit karya Ayi G. Sasmita junun meunang aplaus ti panongton ti kawit dugi ahir carita.

Antusiasme anu aheng ti panongton  bisa  ditingali di gedong Subang Creative Hub anu rame di Jalan D. Kartawigenda, Kota Subang. Unggal pintonan meunang keprok panjang (standing ovation) salaku wangun pangajén ti panongton. Kalayan suksés ngayakeun “Subang Nyeni 11”, dipiharep acara ieu bakal terus jadi panggung pikeun seniman lokal dina ngagarap jeung ngalestarikeun budaya daérah. (kin sanubary)