Ciwidey, Objek Wisata Turing Favorit di Kabupaten Bandung

SundaNews (06/01/2025). Dina sapopoena sok komo deui nyanghareupan atawa salila usum ibur sakola (pakanci), Kacamatan Ciwidey Kabupaten Bandung, Jawa Barat, ti baheula tug nepi ka kiwari teu weleh jadi sasaran objek wisata favorit utamana pikeun rumaja jeung warga dewasa ti sakuliah Indonesia. Teu saeutik oge turis mancanagara nu ngalanto ka siklak-sikluk Ciwidey ti mimiti nu rame nepi ka nu singkur jarang disorang. Kitu deui nu taruring motor, katempo di unggal pojok atawa  sisi pakebonan enteh nu ngemploh hejo angin ngahiliwir,  saperti nu kasakseni ku SundaNews nu nghaja ngilu ka rombongan turing dina poe Sabtu 28 Desember 2024. Di wewengkon Ciwidey memang loba objek wisata nu harade kaasup pilihan para selegram, upamana wae Kawah Putih (Foto: SundaNews/Denis Ihsan Arrahman)