KKN UIN Bandung di Desa Sukarapih Sumedang

SundaNews (6/10/2025).  Mahasiswa KKN (Kuliah Kerja Nyata) ti Universitas Islam Negeri (UIN) Sunan Gunung Djati Bandung ngamimitian kagiatan di Désa Sukarapih, Kecamatan Sukasari, Kabupaten Sumedang, ku cara gotong royong sareng warga RW 06. Kagiatan ieu diayakeun pikeun meresihan lingkungan, utamina di sabudeureun jalan utama jeung solokan.
Gotong royong ieu henteu ngan ukur ngajadikeun lingkungan bersih, tapi ogé ngawangun silaturahmi antara mahasiswa, warga, katut pamuda Karang Taruna. Kagiatan ieu mangrupa eunteung  yén gawé bareng sareng gotong royong  konci pikeun ngahontal kamajuan hiji désa. (Foto: SundaNews/cizy)