Generasi Leadershift Ngadongdon ka Panti Asuhan Al-Fitra Cicendo

SundaNews (15/01/2025). Panti Ashan Al-Fitra  nu perenahna di Jl Udawa No 12 Cicendo, Kota Bandung, Jawa Barat, kacida bungahna mangsa narima kadatangan rombongan ti organisasi sosial kamasarakatan nu nyebut dirina Generasi Leadershift dina poe Sabtu 7 Desember 2024. Ormas ieu mangrupa ékosistem anu miharep bisa mere dampak  hade pikeun nyokong  inovasi tur kolaborasi anu museurkeun kana masalah pendidikan, sosial, jeung kamanusiaan utamana di Kota Bandung, Panti asuhan ieu moboga 40 barudak asuh nu mondok di panti asuhan. Salian ti eta aya oge 30 budak ti kulawarga nu teu mampuh nu henteu mondok. Ti isuk nepi ka beurang aya di panti, atuh sore mah baralik ka imah kolotna masing-masing,. Di dieu ormas Generasi Leadershift  mere bantuan kabutuhan poko jeung kabutuhan barudak saperti alat tulis,  buku carita, tas, sapatu, jeung baju  (Foto: Sunda News/Mochamad Fadhil/)