Ku: Ridhazia
DIWARTAKEUN, usulan ngawangun Direktorat Jenderal (Ditjen) Pesantren di Kementerian Agama geus meunang restu ti Présidén.
“Kuring ngaréstuan usulan pikeun ngabentuk Direktorat Jenderal Pesantren,” saur Prabowo waktu méré amanat dina acara Hari Santri Nasional, Jumaah (25/10).
Salaku nagara kalawan umat Muslim panglobana di dunya, kaputusan Kepala Nagara téh luyu jeung kabutuhan palayanan pamaréntah pikeun lembaga atikan pesantren anu dina taun 2025 kacatet aya 42.433 lembaga.
Pendidikan non-kolonial anu sumebar di sagala pelosok nagri, ti Aceh nepi ka Papua, geus jadi cikal bakal pendidikan Islam di Indonésia modéren jeung pangpayunna.
Babakan Ciwaringin jeung Buntet. Jawa Barat kacatet ku Kementerian Agama minangka provinsi anu miboga jumlah pesantren panglobana, nya éta 12.977 pesantren, kalayan jumlah santri ngahontal sakitar 376.791 urang dina Oktober 2025.
Dua pesantren tradisional anu kawentar di Jawa Barat nyaéta Pesantren Babakan Ciwaringin jeung Pesantren Buntet, anu duanana kaasup pesantren pangkolotna di Indonésia.
Pondok Pesantren Babakan Ciwaringin, Cirebon, diadegkeun taun 1705 ku KH Hasanuddin bin Abdul Latif. Jumlah santri mukimna ngahontal 10.000 urang, ditambah 2.000 santri kalong.
Sedengkeun Pondok Pesantren Buntet, anu diadegkeun taun 1750 ku Kiai Muqoyyim, Mufti Karaton Kanoman Cirebon, miboga santri mukim nepi ka 8.000 urang, ditambah deui 2.000 santri kalong.
Tasikmalaya Juara. Kabupatén Tasikmalaya tetep jadi anu pangpayunna dina jumlah pesantren, nya éta 1.344 lembaga pendidikan pesantren.
Saterusna disusul ku: Kabupatén Bogor (1.093), Kabupatén Garut (1.055), Kabupatén Cirebon (726), Kabupatén Sukabumi (692), Kabupatén Bandung Barat (475), Kabupatén Karawang (470), Kabupatén Ciamis (440), Kabupatén Cianjur (353), Kabupatén Majalengka (260).
Pesantren Muhammadiyah jeung Persis. Pesantren Muhammadiyah ogé sumebar di sakuliah Indonésia, jumlahna ngahontal 444 lembaga dina Oktober 2025. Pesantren-pesantren ieu lain milik pribadi, tapi milik babarengan organisasi Muhammadiyah.
Sedengkeun jumlah pesantren Persis (Persatuan Islam) diperkirakeun ngahontal 250 pesantren anu sumebar di sakuliah Indonésia.*
* Ridhazia, dpsen senior Fidkom UIN Sunan Gunung Djati, jurnalis jeung kolumnis, panitenm psikologi jeung pasualan komunikasi sosial pulitik, nganjrek di Bandung, Jawa Barat.
Comments