Jabatan Pupuhu Bulog: Hancengan Saha?

Ku: Ridhazia

Jabatan Kapala Badan Urusan Logistik alias Bulog teh sawadina pikeun warga sipil lain militer,Apan kitu cek konstitusi oge. Naha  kiwari jabatan eta teh bet dibikeun ka militer?  Jadi weh nimbulkeun kontroversi, sabab hancengan sipil saolah-olah dicokot ku militer.

Diduga, angkatna ieu patali jeung usaha pikeun nyebarkeun kalungguhan militer di sektor sipil.

Leuwih ti éta, para politisi di DPR dina Rapat Paripurna ka-13 DPR mangsa Sidang II Taun Sidang 2024-2025 geus satuju pikeun ngarobah Undang-Undang (UU) Nomor 34 Taun 2004 ngeunaan TNI supaya asup kana Program Legislasi Nasional (Prolegnas) Prioritas 2025.

Padahal, nurutkeun konstitusi, prajurit militer ukur meunang nyekel kalungguhan pamaréntahan dina widang pertahanan jeung kaamanan, saperti Badan Intelijen Negara, Lembaga Ketahanan Nasional, jeung Dewan Pertahanan Nasional, ogé Search and Rescue (SAR) Nasional.

Sentimen Akademisi

Klausul revisi anu nyatakeun, “Kamentrian jeung lembaga nu perelu tanaga jeung kaahlian prajurit aktif saluyu jeung kawijakan presiden” memang nimbulkeun  reaksi négatif utamana ti kalangan akademisi.

Para intelektual ngingetan deui kana “Dwifungsi ABRI” jaman Orde Baru, nu geus dileungitkeun dina mangsa réformasi.

Dina panalungtikan akademisi, revisi UU ieu mere kabébasan ka prajurit militer anu geus meunang idin ti presiden supaya bisa nyekel kalungguhan di pamaréntahan atawa sektor sipil, tampa kudu kaluar ti kalungguhan militérna.

Sentimen Publik

Beda jeung sentimen akademisi, sentimen masarakat ka hubungan politik militer jeung kakawasaan masih kénéh ngajanggélék yén militer mibanda ajén anu leuwih luhur.

Numutkeun hasil panalungtikan Kompas dina Maret 2024, 41,1% réspondén henteu satuju lamun kalungguhan sipil diancokeun ku TNI-Polri anu masih aktif. Tapi, 51,8% deui nyatakeun pisan satuju. Tuh pan, asa jadi tojaiah jeung pasolengkrah. *

* Ridhazia, dosen senior Fidkom UIN Sunan Gunung Djati, jurnalis jeung kolumnis, paniten psikologi jeung pasualan komunikasi sosail politik, nganjrek di Bandung, Jawa Barat.