By 
Ku: Kin Sanubary
SundaNews (17-11-2024). Majalah Jakarta Jakarta nu mibanda semboyan panas gambarna, haneut beritana, edisi November 1996, anu terbit 28 taun ka tukang, midangkeun gadis sampul, model anyar asal Bandung, nu ngaran Uki Prayuki.
Berita ngeunaan Zarima Mirasfur, aktris anyar Ida Iasha, jeung penyanyi Alanis Morissette nu meunang sababaraha penghargaan Grammy, jadi bahan pedaran Jakarta Jakarta dina edisi ieu.
Uki Prayuki, nu jadi hiasan sampul “JJ” dina edisi ieu, nyaéta finalis cover girl majalah Mode taun 1991. Uki, model geulis darah Padang, miboga panon anu khas pisan. Sorot matana nyaritakeun sikep pasrah tapi oge masih kénéh nyisakeun saeutik harepan.
Nalika difoto keur sampul “JJ”, Uki téh masih mahasiswi Arsitektur di Institut Teknologi Nasional (Itenas, Bandung). Uki ogé jadi model pendukung videoklip Doel Sumbang dina lagu “Laut”.
Jakarta Jakarta edisi November ogé ngahadirkeun laporan panas ngeunaan dicerekna Si Ratu Extasy, Zarima Mirasfur, di Houston, Amerika Serikat. Zarima jadi buron Polisi Republik Indonesia sanggeus kabur ti imahna di Perumahan Taman Alfa Indah, Joglo Kebun Jeruk, Jakarta Barat dina 8 Agustus 1996.
Zarina dicerek dina 4 November 1996 ku petugas Imigrasi Houston, Amerika Serikat, alatan ngalanggar aturan imigrasi. Ku dicerekna kitu teh, atuh carita petualangan Zarina sanggeus 89 poé ngaleungit ti lemah cai, ngagebur deui. Berita kasus Rina ratu ekstasi geunjleung deui.
Dina edisi November 1996, Jakarta Jakarta oge nyaritakeun ngeunaan kadatangan bentang film anyar Indonesia mu ngaranna Ida Iasha. Ida, nu darah campuran Belanda, nama lengkepna Ida Albertina Van Schtelan Van Dehaere. Mimiti debut dina layar perak taun 1986 ngaliwatan ajakan sutradara Slamet Rahardjo pikeun film Kodrat, jeung paras Indo-na diprediksi jadi gambaran perfileman Indonnesia mangsa ka hareup.
Ida Iasha, model jelita turunan Belanda anu ogé sukses di film jeung sinetron, nalika diwartakeun ku Jakarta Jakarta, keur syuting sinetron Kembang Setaman bareng jeung aktor Ferry Salim di Lapangan Tiananmen, Beijing, Tiongkok.
Soraya Haque, peragawati papan luhur, jeung kulawargana kumpul di RS Jantung Harapan Kita, Jakarta, alatan bapana nu keur diopname di rumah sakit. Kulawarga Haque, anu jarang papanggih sabab kesibukan masing-masing, meunang kesempatan pikeun ngarumpul di rumah sakir.
Penyanyi jeung model Maya Rumantir, anu kawentar dina era 1980-90an, mere kejutan pikeun masarakat Kepulauan Banda, Maluku. Maya datang nngilu jeung rombongan Panglima Kodam Trikora Mayjen TNI Johny Lumintang pikeun muka Lomba Dayung Tradisional Kora-kora. Maya ogé ngalakukeun perjalanan ka pelosok Nusantara pikeun ngordinir pemuda-pemudi Indonesia nu berprestasi pikeun ditampilkeun di layar televisi dina program Pandu Prestasi.
Artis senior Grace Simon, anu sohor dina taun 70-an, keur nyieun rekaman anyar jeung main sinetron. Grace meuting sababaraha poé di Ambon jeung ngalakukeun wisata bahari ngagunakeun speed boat ka Tulehu, Ambon di Maluku.
Ti Inggris, rahasia pribadi Sarah Ferguson dibongkar ku sahabatna sorangan, kaasup obsesina pikeun jadi US First Lady ku cara nikah jeung John F. Kennedy Jr. Buku anu judulna Fergie, Her Secret Life ngebongkar rupa-rupa obsesi Sarah Ferguson, nu mangrupa panghuni Istana Buckingham.
Pamela Anderson, bintang seksi Hollywood, ahirna ngajukeun cerai ti salakina Tommy Lee, drummer Motley Crue. Sanaos geus boga anak, hubungan maranéhanana pinuh ku kabar heboh, kaasup perayaan nikah anu unik, ngan maké bikini di pantai.
Penyanyi Alanis Morissette, anu ngarebut Grammy Award dina sababaraha kategori, saperti Album Terbaik Tahun Ini jeung Penyanyi Rock Wanita Terbaik di taun 1996, metik kasuksesan nu nyongcolang. Albumna anu judulna Jagged Little Pill geus laris nepi ka 20 juta kopi di sakuliah dunya. Alanis oge rencanana bakal ngayakaeunl tour Can’t Not Tour 1996 di Indonesia dina 1 Desember 1996. *
* Kin Sanubary, kolektor, pupuhu Rumah Media Lawas, aktivis seni panggung musik film jeung teater, panarima Penghargaan PWI Jawa Barat 2023 kategori pelestari media massa nsionakl, nganjrek di Kabupaten Subang, Jawa Barat.
Comments