Ku: Ridhazia
MANDI panonpoé téh geus jadi kabutuhan pikeun para lansia, utamana dina usum tiris. Salian ti ngahaneutkeun awak, dokter ogé nyarankeun sangkan rutin mandi panonpoé pikeun mantuan awak ngahasilkeun vitamin D alami anu miboga fungsi minangka prohormon.
Vitamin D mangrupa zat gizi nu bisa dicangking tina dahareun atawa suplemén. Tapi, awak manusa ogé sanggup ngahasilkeunana sorangan ngaliwatan paparan cahya panonpoé (sinar UV) nu kaserep ku kulit.
Dumasar kana hasil panalungtikan, mandi panonpoé isuk-isuk mangpaat pikeun nguatkeun tulang jeung ngajaga daya tahan awak. Waktu nu panghadéna nyaéta antara tabuh 07.00 nepi ka 10.00 isuk.
Lilana ogé ulah kaleuleuwihi, cukup 10 nepi ka 20 menit, kalawan frékuénsi 2 nepi ka 3 kali dina saminggu.
Ngaronjatkeun Kaayaan Haté
Mandi panonpoé dina isuk poé ogé hadé pikeun ngaronjatkeun kaayaan haté. Sabab, éta kabiasaan bisa ngarangsang awak ngahasilkeun hormon serotonin, ngatur wirahma biologis awak, sarta ngurangan résiko setrés.
Sinar panonpoé nu nepi ka kulit jeung panon bakal ngarangsang uteuk ngahasilkeun leuwih loba hormon serotonin, anu nimbulkeun rasa tengtrem, bungah, jeung leuwih sumanget.
Sanggeus réngsé mandi panonpoé, ulah poho nginum cai bodas sacukupna sangkan awak tetep kahidratan.*
* Ridhazia, dosen senior Fidkom UIN Sunan Gunung Djati, kolumnis, paniten psikologi jeung pasualan komunikasi sosial pulitik, nganjrek di Bandung, Jawa Barat.
Comments