By 
Ku : Alicia Maharani Putri
JUDI daring atawa nu katelahna judol (judi online) di Indonesia kiwari mingkin mahabu, luyu jeung rongkah katut canggihna kamajuan teknologi jaringan internet. Sanajan dilarang ku hukum, kanyataanana judi daring tetep nyaliara ka sakabeh lapisan masarakat. Ti mimiti pangangguran nepi ka anggota DPR, tayohna mah katarajang panyakit kronis judi daring. Jeung jumlahna lain hiji dua atawa puluhan. Ieu mah dugi ka ratusan nepi ka puluhan jeung ratusan rebu jalma.
Data tina Badan Narkotika Nasional (BNN) jeung Kamentrian Komunikasi jeung Informatika (Kominfo) nunjukeun yén beuki loba situs judi ilegal unggal taun nu marijah jagat internet. Kominfo nyatakeun yén dina taun 2023, pihakna geus berhasil ngablokir rébuan situs judi daring ilegal.
Judi daring henteu ngan jadi masalah individu, tapi ogé bisa ngancem hubungan kulawarga. Kecanduan kana judi digital bisa nyababkeun robahan emosi négatif anu signifikan, masalah finansial, jeung psikologis anu jero, ngaruksak kaharmonisan hubungan antara anggota kulawarga.
Dina awalna, judi daring bisa katingali minangka hiburan anu pikaresepeun pikeun sabagian jalma. Tapi, ketergantungan mimiti nyaliatra ka mana-mana. Jalma anu kaserang judi daring bakal leuwih fokus kana kaulinan tibatan kulawarga jeung kawajibanana.
Studi nu dilaksanakeun ku lembaga sosial dina taun 2023 manggihan yén judi daring ngaruksak ékonomi kulawarga di Indonesia. Dina survei anu ngalibatkeun 1.000 kulawarga, 15% ngalaporkeun yén salah sahiji anggota kulawargana ngalaman kasulitan finansial anu parah alatan judi daring. Maranéhna ngaluarkeun duit kulawarga pikeun judi, anu nyababkeun keretakan hubungan jeung masalah keuangan anu serius.
Teu ngan masalah duit, judi daring ogé nyababkeun karusakan émosional anu teu éléh parahna. Nalika salah sahiji anggota kulawarga kaserang kecanduan, émosi jeung polahna mindeng jadi teu stabil.Curaling, nipu, jeung polah anu teu kaduga jadi bagian tina kabiasaan anu ngaruksak katentremanrumah tangga. Nalika komunikasi kahalangan jeung kapercayaan leungit, hubungan antara pasangan atawa antara kolot jeung anak bisa amburadul.
Barudak anu tumuwuh dina lingkungan kawas kieu ogé kacida kapangaruhanana. Maranéhna jadi saksi tina ketegangan, konflik, sarta kekerasan anu kajadian alatan kecanduan judi kolotna. Tampa bimbingan anu nu hade jeung stabilitas émosional, anak-anak bisa katarik kana lingkungan kekerasan atawa malah nyonto polah goréng kolotna, kaasup dina hal judi.
Kepala PPATK (Pusat Pelaporan jeung Analisis Transaksi Keuangan) Ivan Yustiavandana ngabéwarakeun yén umur pamain judi daring condong beuki mudal, ka umur di handapeun 10 taun, anu nyababkeun populasi pamainna beuki ngembang. Ieu tangtuna nganca kahirupan masa rumaja ka hareupna.
Pamaréntah Indonesia memang geus tihothat pikeun ngalawan judi daring, tapi kalayan kamajuan téknologi anu luar biasa gancangna, hésé pikeun régulasi anu aya pikeun ngimbangin éta. Penyebaran judi daring ngaliwatan aplikasi jeung situs anu terus mekar merlukeun léngkah-léngkah tegas jeung kolaborasi antara pamaréntah, masarakat, jeung kulawarga éta sorangan. Edukasi jeung kasadaran ngeunaan bahaya judi daring kudu diperkenalkeun leuwih lega, utamina ka kalangan remaja jeung kolot.
Ahirna, peran kulawarga dina ngungkulan ancaman judi daring téh penting pisan. Kulawarga mangrupakeun benteng kahiji dina ngawangun karakter jeung ngajaga hubungan anu séhat. Dina ngungkulan masalah ieu, diperlukeun kabuka, komunikasi anu jujur, jeung dukungan silih pikeun mastikeun supaya judi daring teu ngaruksak kabagjaan jeung kaharmonisan kulawarga di Indonesia.
*Alicia Maharani Putri, lahir di Kota Bekasi 2005, mahasiswa Prodi Jurnalistik UIN Sunan Gunung Djati Bandung nu keur tatahar nyusun skripsi, nganjrek di Bekasi, Jawa Barat.
Comments