Ku: Ridhazia
AYA pamikiran, kumaha lamun sakabéh transaksi kauangan kaasup gaji jeung upah di Indonesia ngagunakeun dollar AS sanggeus mata uang global asal Amérika Serikat éta “ngamuk” ngalawan rupiah.
Sanajan kitu, pamikiran éta tétéla henteu sagemblengna leuwih aman dibanding rupiah sanajan sok aya kalana ngalaman gejolak ngalawan dollar AS. Hartina, Indonesia ngan ukur ngalaman kaayaan teu stabil samentara dina kurun waktu nu tangtu.
Lain Solusi
Sakabéh transaksi kauangan ngagunakeun dollar AS di Indonesia lain solusi panghadéna jeung pangamanana pikeun ékonomi nasional. Sabab, sagala kawijakan moneter bakal pisan gumantung kana kaputusan The Fed minangka Bank Sentral Amérika Serikat.
Lamun Bank Indonesia kaleungitan kadali kana kawijakan moneter jeung suku bunga, komo deui lamun lumangsung krisis likuiditas atawa kakurangan duit tunai, nagara moal bisa nyitak dollar sabab éta lain mata uang nagara sorangan.
Dampakna, inflasi jeung stabilitas harga di jero nagri moal bisa dikadalikeun ku pamaréntah sahingga nagara bisa ambruk dina waktu singget.
Sabalikna, lamun sakabéh transaksi kauangan di nagara ieu ngagunakeun rupiah, bank sentral masih miboga pilihan pikeun ngalakukeun pencetakan duit darurat saperti nu biasa dipigawé nalika krisis ékonomi.
Ngalanggar Hukum
Ngagunakeun dollar di Indonesia tétéla ogé kaasup palanggaran hukum nu ancaman sanksina cukup beurat.
Transaksi, pamayaran, atawa nyantumkeun harga dina mata uang asing utamana dollar AS di Indonesia dianggap ilegal sarta bisa dikenaan sanksi denda nepi ka ancaman hukuman panjara.
Naon Ceuk BI?
Sacara historis, penguatan dollar kungsi ngahontal rekor pangluhurna ngalawan rupiah di kisaran Rp17.500 leuwih.
Nanging, Bank Indonesia yakin nilai tukeur rupiah bakal mimiti nguat ti Juli 2026 sajalan jeung mimiti meredana tren paménta valuta asing (valas) musiman alatan pambayaran hutang luar nagri, repatriasi dividen, sarta kabutuhan ibadah haji.*
* Ridhazia, dosen senior Fidkom UIN Sunan Gunung Djati, jurnalis jeung kolumnis, paniten psikologi jeung pasualan komunikasi sosial pulitik, nganjrek di Bandung, Jawa Barat.
Comments