Ku: Ridhazia
SANGGEUS ngaréngsékeun kasibukanana dina dunya pulitik, anjeunna jadi hiji-hijina urut présidén Indonésia anu taliti ngambah dunya kasenian. Jéndral sakaligus profesor ieu ayeuna langkung milih nyéépkeun waktosna minangka seniman lukis di galéri seni nu asri di Puri Cikeas, Bogor.
Lukisan Rp6,5 Miliar
Lukisan karya Présidén ka-6 RI Susilo Bambang Yudhoyono nu dijudulan “Kuat Laksana Kuda Api” hasil kabéhanana dijual kalayan harga Rp6,5 miliar. Nu meulina nyaéta pangusaha badag sakaligus pangadeg Bayan Resources, Low Tuck Kwong (Dato Low), dina 18 Pébruari 2026.
Ngalukis di Walungan Mississippi
Momen panganyarna urut présidén téh nyaéta nalika anjeunna ngalukis di sisi Mississippi River, walungan pangpanjangna di Amérika Kalér anu kacatet miboga ajén sajarah dina dunya sastra jeung kabudayaan.
Ngaliwatan akun YouTube Susilo Bambang Yudhoyono nu diunggah Rebo (12/8), SBY katempo maké kaos hideung bertuliskeun SBY Art Community jeung bérét beureum bari calik di sisi walungan, tuluy nyipta karya lukisan.
Présidén Nu Jadi Seniman
Lalaki asal Pacitan ieu lain ukur resep ngalukis. Anjeunna ogé nyipta lagu, nulis sajak, jeung novel. Numutkeun pangakuanana, kahirupan kasenian nu dijalanan dina mangsa yuswa sepuh karasa leuwih bébas batan jabatan naon waé, lantaran henteu kaiket ku aturan protokoler nagara.
Pikeun Almarhumah Pamajikan
Présidén ka-6 RI ngamimitian deui hobi ngalukisna dina Méi 2021 di studio imahna nu asri di Cikeas, Bogor.
Mimitina, ngalukis dijadikeun bagian tina prosés nyageurkeun batin (healing process), minangka éksprési kanyaah pikeun miéling pamajikanana nu parantos tilar dunya, almarhumah Ibu Ani Yudhoyono dina taun 2019.
Nepi ka kiwari, SBY geus ngahasilkeun sahenteuna 350 karya lukisan. Salian ti éta, anjeunna ogé medalkeun lima albeum musik nu eusina puluhan lagu, sababaraha buku kumpulan sajak, sarta hiji novel fiksi bergenre suspense.
Sakabéh karya kasenian éta ayeuna dipiara sarta dipintonkeun di Museum dan Galeri SBY-ANI di Pacitan, Jawa Wétan, sedengkeun sabagianna deui dipintonkeun di Cikeas Art Gallery, Puri Cikeas, Bogor. *
* Ridhazia, dosen senior Fidkom UIN Sunan Gunung Djati, kolumnis, paniten psikologi jeung pasualan komunikasi sosial pulitik, nganjrek di Bandung, Jawa Barat.
Comments