By 
Ku: Nayla Soraya
Revolusi digital mawa kasempetan gedé pikeun pendidikan di Indonesia, tapi ogé nyanghareupan loba tantangan. Dumasar data ti Asosiasi Penyelenggara Jasa Internet Indonesia (APJII), taun 2024 masih kénéh aya kira-kira 20% wilayah anu can boga aksés internét anu cukup. Ieu nunjukkeun yén kesenjangan digital masih nyata, utamana di wilayah désa jeung pelosok.
Padahal, digitalisasi boga poténsi gede pikeun ngadukung pendidikan anu leuwih inklusif. Platform e-learning siga Ruangguru, Zenius, jeung aplikasi séjénna geus masihan kontribusi nyata. Kalawan fitur-fitur interaktif, platform ieu ngabantu murid diajar iraha wae jeung dimana wae.
Kasenjangan aksés internét lain hiji-hijina halangan. Tantangan séjén asalna tina kurangna palatihan pikeun guru dina ngagunakeun téknologi digital. Nunurutkun laporan ti Kementerian Pendidikan, Kebudayaan, Riset, jeung Téknologi (Kemendikbudristek), leuwih ti 60% guru di wilayah désa can meunang pelatihan pikeun ngamangpaatkeun platform digital dina pangajaran.
Pentingna infrastruktur jeung kompetensi SDM. Transformasi digital butuh dukungan infrastruktur anu kuat. Program sapertos Merdeka Belajar ti pamaréntah jadi lengkah awal anu positif. Tapi, lamun jaringan internét jeung kamampuhan SDM teu dironjatkeun, program ieu bakal hésé ngahontal tujuan.
Kolaborasi antara pamaréntah, swasta, jeung masarakat ogé penting pisan. Sababaraha pausahaan telekomunikasi geus ngamimitian nyayogikeun internét gratis pikeun sakola-sakola, tapi ieu kudu dilegaan ka wilayah anu leuwih peryogi.
Mun sagala halangan ieu bisa dtiungkulan, digitalisasi pendidikan bakal ngarobah wajah pendidikan Indonesia sacara signifikan. Barudak di pelosok bisa boga aksés anu sarua jeung di kota gedé, ngurangan kesenjangan pendidikan anu tos lila lumangsung.
Pendidikan lain ukur ngeunaan aksés, tapi ogé ngeunaan kumaha cara ngamangpaatkeun téknologi pikeun ngaronjatkeun pangalaman diajar. Transformasi digital mangrupa kasempetan emas anu teu meunang dileungitkeun.
*Nayla Soraya, mikaresep seni budaya Sunda jeung kahirupan dunia digital, mahasiswa Fidkom UIN Sunan Gunung Djati, nganjrek di Bandung.
Comments