By 
Ku: Ridhazia
Kontrol diri ilaharna mangrupa kamampuhan pikeun ngaréspon jeung ngartikeun kaayaan ku cara sikep tenang jeung bijaksana.
Fokus kana hal-hal anu tiasa dikendalikeun, saperti pikiran jeung tindakan. Henteu ngalebar ngaleuwihan wates anu di luar kendali. Pahami kaayaan sarta pangaruhna kana pikiran jeung ketenangan.
Dina studi psikologi kaguar kunaon batur teu tiasa ngontrol diri téh kusabab henteu tiasa ngendalikeun kahayang atawa kapentingan diri sorangan. Saeutikna sikep nu leuwih punjul dina ngajaga kapentingan ego. Leuwih jauh ti rasa empati ka batur. Malah kaleungitan rasa kamanusaan.
Diajar ti Gus Miftah
Masarakat bisa diajar tnai kajadian Gus Miftah anu tayohna jadi viral kusabab pernyataan manehna anu dianggap kasar ka tukang és dina hiji acara tabligh akbar sawatara waktu katukang.
Utusan Présidén Prabowo ieu teh langsung ngebrehkeun klarifikasi sarta menta dihampura sanggeus masarakat nganggap ucapan manehna henteu nunjukeun sikep sabage tokoh agama anu kudu dijadikeun panutan.
Padahal sajatina tokoh agama Islam nu ngalakukeun kontrol diri teh disebut mujahadah an-nafs, hartina usaha pikeun ngadalikeun hawa nafsu, émosi, jeung hal-hal séjén anu ujung-ujungna bisa mawa mudarat.
Mikirkeun résiko jeung akibat tina unggal lampah, kudu nganut prinsip sabar sarta henteu buru-buru atawa getas hareupaten dina nyieun hiji pernyataan pikeun balarea.Sok komo deu di luar konteks agama anu tungtungna ngingetan tur ngajak kana kahadéan, anu ahirna bisa ngajaga kahormatan diri urang sorangan.
Saha Gus MIftah?
Sok maké surjan nyaéta kemeja adat lengkap blangkon Jawa, Gus Miftah gampang dibédakeun jeung pendakwah séjén di Indonesia. Lalaki asal Jabung, Lampung Timur kalahiran taun 1981 ieu teh, sapopoena tampil jeung buuk gondrongna nepi ka taktak. Salian ti eta tara poho ogé sok mawa tongkat jeung make kacamata hideung.
Nurutkeun nasab, Gus Miftah miboga boga garis keturunan ka-9 langsung ti Kiai Muhammad Ageng Besari, pangadeg Pesantren Tegalsari di Ponorogo, Jawa Timur. Inyana geus mingpin Pondok Pesantren Ora Aji di Sleman jeung jadi pendakwah Talk Show Kebangsaan mangsa nyanghareupan pilpres 2024 kamari anu disiarkeun langsung ku televisi swasta.
Mata Ber-Vitamin
Gus Miftah di awal karir salaku pendakwah sering kaluar-asup lokalisasi WTS, kleub malam jeung panti pijat plus-plus.
Kontroversi ieu sabalikna ningkatkeun popularitasna di kalangan kelompok marjinal. Leuwih ti kitu harita manehna sihoreng dirojong ku Luthfi bin Yahya ti Pekalongan.
Ngaran Gus Miftah mimiti dipikawanoh waktu video dirina méré pangajian di salah sahiji klub malam di Bali. Tapi saméméhna geus jadi mubalig di musala leutik sabudeureun lokalisasi Pasar Kembang, Yogyakarta. Oge di kleub malam katut alon pleus-pleus.
Polah dakwahna meunang pujian sanajan oge kontroversial. Tapi manehna boga alesan logis. Cenah, pagawe dunya peuting hésé meunang aksés ilmu agama. Nalika rék ngaji di luar, maranéhna malah jadi bahan omongan. Di tempat gawé ogé teu aya kajian agama anu tiasa dipikawanoh.
Salain ti éta, Gus Miftah ngajawab sahayuna bari jeung satengah guyon. “Ngajina berpahala, matana bervitamin. Masya Allah,” ceuk Gus Miftah.
Nagri Para Dermawan
Padagang és anu diledek dijejeleh ku Gus Miftah meunang simpati ti masarakat. Kajaba meuang dukungan moral ti para netizen, oge meunang bantuan finansial. Jumlahna oge nepi ka jutaan. Aya oge nu ngajakan ibadah umroh bareng katut hadiah.
Kanyataan ieu ngabuktikeun yen Indonesia jadi nagara paling dermawan di dunya. Ngéléhkeun nagara-nagara agama di Éropah utamana mah di Eropa hWétan jeung Eropah engah.
Nurutkeun World Giving Index (WGI) 2024 anu dirilis Charities Aid Foundation (CAF), nagara mayoritas pendudukna beragama salila tujuh taun terus-terusan jadi nagara dermawan tingkat pangluhurna, Indonesia aya di peringkat kahiji!
Survei anu dilakukeun taun 2023 ieu ngalibetkeun 145.702 réspondén di 142 nagara jeung wilayah. Réspondén ngajawab tilu pertanyaan ngeunaan lampah sosial: “Naha anjeun kantos nyumbang duit pikeun amal?; naha anjeun kantos janten relawan pikeun hiji organisasi?, jeung “naha anjeun kantos ngabantu jalma asing atanapi batur anu teu dipikawanoh anu memang merlukeun pisan bantuan?”
Rata-rata tanggapan positip diitung pikeun ngahasilkeun skor indéks pikeun unggal nagara. Skor ngawahan ti angka 0 nepi ka 100 poin. Skor anu luhur nunjukeun jalma nu loba jeung gede dina perkara mere sumbangan atawa bantuan.
Indonesia di posisi kahiji kalayan skor 74 poin. Taun saméméhna, Indonesia ogé di posisi kahiji kalayan skor 68 poin.
Saliean ti eta, nagara Kenya kalayan 63 poin, naék ti peringkat katilu taun kamari. Singapura naék 19 peringkat ka posisi katilu kalayan 61 poin dina amal jeung kasukarelawan. Uni Emirat Arab anu super sejahtera pendudukna di peringkat handap.
Ana pon skor indéks rata-rata global aya di angka 40 poin, nyaruaan tingkat pangluhurna ti saprak 2021.
Survei taun ieu nunjukkeun yén penduduk dunya tetep nyumbang duit, nyumbang waktu tur ngabantu batur sanajan nyanghareupan tantangan ékonomi jeung kamanusaan anu teu aya eureunna.
Kedermawanan jalma di sakuliah dunya kabuktian dina Indéks Pemberian Dunya Charities Aid Foundation (CAF) taun ieu. Sarta, Indonesia juarana!*
*Ridhazia, dosen senior Fidkom UIN Sunan Gunung Djati, pemerhati psikologi dan komunikasi sosial politiik, bermukim di Bandung, Jawa Barat. Catetan Redaksi:Jumaah 6 Desember 2024, Gus Miftah ngaliwatan video youtube, antukna ngundurkeun diri tina jabatanana sabage utusan khusus presiden bidang kerukunan beragama jeung pembinaan sarana keagamaan.
Comments