Ku: Ridhazia
PERSIB lain saukur klub maén bal, tapi geus jadi identitas budaya, rohangan sakral modéren, ritual koléktif, jeung gaya hirup nu ngakar pageuh di masarakat.
Malah fanatisme ka skuad maén bal asal Bandung ieu sok dimétaforkeun minangka “agama kadua”, nyaéta sumber idéntitas, ritual koléktif, jeung kasatiaan tanpa wates.
Ekstase
Dina jaman modéren, maén bal geus robah jadi agama sékulér, tempat manusa néangan ekstase koléktif jeung rasa kabersamaan identitas.
Ekstase — tina basa Yunani ékstasis — nyaéta kaayaan nalika hiji jalma siga nu kaluar tina kasadaran dirina sorangan, nepi ka ngarasa leupas tina awak atawa kacida khusyuna.
Kaayaan ieu dicirian ku rasa bungah nu ngalimpudan, kalibetna pikiran sacara total, sarta kadangkala dibarengan ku pangalaman spiritual atawa mistis.
Lain Syariat
Sanajan lain bagian tina ajaran syariat, totalitas pangrojong para suporter mindeng ngaleuwihan logika biasa. Maranéhna rela ngorbankeun waktu, tanaga, jeung duit sacara ékstrem, malah nepi ka tarohan nyawa demi ngabéla warna kabanggaan klub.
Ritual Koléktif
Dina sudut pandang sosiologi, Stadion Gelora Bandung Lautan Api (GBLA) jeung Kota Bandung — saperti katempo dina perayaan kameunangan Persib — robah jadi tempat ibadah sékulér, tempat rébuan pendukung Persib ngumpul pikeun nyanyi, surak-surak, jeung ngarayakeun ekstase babarengan.*
* Ridhazia, dosen senior Fidkom UIN Sunan Gunung Djati, paniten psikologi jeung pasualan komunikasi sosial pulitik, nganjrek di Bandung, Jawa Barat.
Comments