Ku: Ridhazia
LENGKAH TNI nalungtik lampah pidana dina média sosial boga poténsi jadi blunder pulitik. Bisa nimbulkeun sikep négatif. Malah dianggap minangka léngkah nu ngalanggar prinsip démokrasi.
Kitu deui pernyataan Menteri Keuangan Purbaya Yudhi Sadewa. Tibatan meunang apresiasi, pernyataan Sang Mentri téh sabalikna malah micu kontroversi.
Utamana basa anjeunna ngaréspon 17+8 tuntutan rahayat, poténsi nimbulkeun manipulasi émosi publik (post-truth).
Blunder
Kecap blunder geus dipaké ti abad ka-14 kalayan harti aslina nyaéta gangguan, pasalia, atawa kasusah.
Dina awal abad ka-17, blunder tuluy dimaknaan minangka “kasalahan nu karandapan lantaran kagok atawa bingung”.
Kecap blunder disangka boga irisan jeung basa Norse Kuno blundra nu hartina “merem panon”. Atawa ti basa Proto-Jermanik tina kecap blinda nu hartina “buta”.
Dina vérsi Oxford Languages, kecap blunder dihartikeun minangka kasalahan serius nu disababkeun ku kabodohan, kacerobohan, atawa kalarapan.
Malah nurutkeun situs vocabulary.com, kecap blunder téh mangrupa “an embarrassing mistake” nyaéta kasalahan nu matak pikaéraeun.
Blunder Politik
Kitu deui blunder pulitik nu bisa dipikaharti minangka kalemahan atawa kasalahan (gaffe) ti para politisi dina nyebutkeun pamadegan jeung némbongkeun lampahna di ruang publik.
Blunder pulitik mindeng didefinisikeun minangka produk kacerobohan atawa kalarapan nalika méré pernyataan kontroversial. Henteu pantes atawa henteu saluyu jeung kalungguhanana.
Implikasina, anjeunna leungit kontrol kana kapercayaan publik. Sabab blunder pulitik téh sipatna leuwih pribadi jeung subjéktif. Ukuranna téh integritas, kajujuran, jeung konsistensi. Utamana kaparigelan dina komunikasi politik.
Pondokna, blunder politik ukur bisa kajadian lamun transparansi informasi jeung akuntabilitas komunikasi ti politisi téh bias jeung teu kredibel. Hartina henteu asalna tina sumber nu dipercaya.*
* Ridhazia, dosen senior Fidkom UIN Sunan Gunung Djati Bandung, jurnalis jeung kolumnis, paniten psikologi jeung pasualan komunikasi sosial pulitik, nganjrek di Bandung, Jawa Barat.
Comments