Alien Turun Ka Bumi Taun Ieu?

Ku: Ridhazia

Taun 2026 disebut-sebut bakal aya kajadian anu luar biasa. Alien bakal “ngadatangan” Bumi dina bulan Nopémber.

Alien diidéntifikasi minangka mahluk ékstraterestrial. Wangun jeung rarayna masih kénéh hipotétis. Disangka miboga kacerdasan anu ngaleuwihan kacerdasan manusa.

Diramalken yén kontak kahiji antara manusa jeung peradaban luar angkasa bakal kajadian bareng jeung ajang gedé Piala Dunya 2026.

Kitu ceuk saurang peramal asal Bulgaria, Vangelia Pandeva Gushterova, anu meunang julukan “Nostradamus ti Balkan”.

Ramalan éta dumasar kana interpretasi ngeunaan objék antarbintang anu anomali jeung kapanggih ku para astronom, anu disangka bakal asup ka atmosfir Bumi.

Nepi ka ayeuna, NASA jeung lembaga antariksa lianna nampik ramalan éta sarta nétélakeun yén can aya bukti ilmiah anu geus diverifikasi ngeunaan ayana atawa rencana kadatangan alien dina taun 2026.

Sosok Alien

Sanajan sosok alien masih kénéh spéculatif, para élmuwan nyebutkeun yén kamungkinan ayana mahluk séjén tetep kabuka, lantaran alam semesta kacida legana.

Kalayan kecap séjén, masih kabuka kamungkinan aya kahirupan di planét-planét anu layak dihuni tapi can kapanggih.

Éta pamadegan saluyu jeung pamikiran élmuwan Stephen Hawking jeung Carl Sagan, anu boga pamadegan yén teu mungkin kahirupan ngan aya di Bumi wungkul. *

* Ridhazia, dosen senior Fidkom UIN Sunan Gunung Djati, jurnalis jeung kolumnis, paniten psikologi jeung pasualan komunikasi sosial pulitik. nganjrek di Bandung, Jawa Barat.