By 
Ku Tri Nur Cahyani
SundaNews (4-12-2024). Tumuwuhna anggaran kamentrian di jaman Prabowo Subianto nembongkeun kawijakan ékonomi agrésif anu orientasi kana pangwangunan infrastruktur jeung pertahanan.
Dina Rancangan Anggaran Pendapatan dan Belanja Negara (RAPBN) 2025, anggaran kementerian/lembaga (K/L) ditetepkeun Rp 1.160 triliun. Sababaraha kementerian narima anggaran panggedena saperti Kamentrian Pertahanan (Rp166 triliun), Polri (Rp 126 triliun), jeung Kementerian PUPR (Rp. 116 triliun). Kamentrian PUPR anu nampi anggaran Rp 116 triliun nunjukkeun fokus pamaréntahan Prabowo dina pangwangunan infrastruktur.
Ieu penting pikeun ngadukung pertumbuhan ékonomi sareng ningkatkeun kualitas kahirupan masarakat. Najan kitu, urang kudu sadar yén kanaékan APBD ieu ogé berpotensi nambahan hutang nagara, utamana lamun anggaran henteu saimbang jeung sumber panghasilan anu cukup.
Kanaékan anggaran kementerian ogé berpotensi nambahan hutang nagara. Sri Mulyani, Menteri Keuangan, netelakeun, pengadaan alat-alat pertahanan ku Kementrian Pertahanan ngabalukarkeun hutang luar nagri pamaréntah naék.
Hal ieu nunjukeun yen kawijakan ékonomi Prabowo kudu saimbang jeung strategi manajemén hutang éféktif pikeun nyegah krisis finansial. Anggaran program unggulan Prabowo ogé nerekel, tina Rp 113 triliun jadi Rp 121 triliun.
Program-program saperti makan bergizi gratis, cek kasehatan gratis, jeung rumah sakit berkualitas lengkep di daerah, nunjukeun komitmen pamaréntah Prabowo pikeun ngaronjatkeun kualitas kahirupan masarakat. Tapi urang oge kudu sadar yén paningkatan anggaran ieu ogé berpotensi ningkatkeun biaya operasional katut pentingna manajemén anu efektif.
Ngaronjatkeun jumlah kementerian tina 34 ka 44 ogé mangrupa kawijakan anu penting nu tangtuna kudu dipolototan sacara kritis. Bahlil Lahadalia, Menteri ESDM, nétélakeun yén panambahan ieu kamentrian téh pikeun ngarojong kana percepatan program pamaréntah. Ngan sabalikna urang kudu sadar sadar yén nambah kementrian oge bakal ningkatkeun biaya operasional. Pon kitu deui manajemen pamarentahanana kudu nu rancingeus.
Cindekna, tumuwuhna anggaran kamentrian di jaman Prabowo Subianto nembongkeun kawijakan ékonomi agrésif anu berorientasi kana pangwangunan infrastruktur jeung pertahanan. Ngan urang oge kudu taki-taki sabab paningkatan anggaran ieu ogé baris bnambahan hutang hutang nagara jeung biaya operasional.
Ku kituna, pamaréntahan Prabowo kudu midangkeun kawijakan ekonomi nu saimbang, sangkan hutang bisa diadumaniskeun jeung strategi manajemen nu efektip nu tungtungna bisa nyejahterakeun rahayat sakabeh.*
*Tri Nur Cahyani, mahasiswa Prodi Jurnalistik Fidkom UIN Sunan Gunung Djati nu keur tatatar nyusun skripsi, dumuk di Bandung, Jawa Barat.
Comments